നീ അവിടെ പോയി എന്റെ ഷോ കാണ്, അര്‍ഷദീപിനോട് ഹാര്‍ദ്ദിക്, എന്നാല്‍ നടന്നത് മറ്റൊന്ന്, ഹാര്‍ദ്ദിക്കിനെതിരെ വിമര്‍ശനം
ഇന്ത്യന്‍ ബാറ്റിംഗ് തകര്‍ച്ചയ്ക്കിടെ മത്സരത്തില്‍ 45 പന്തില്‍ 39 റണ്‍സാണ് ഹാര്‍ദ്ദിക് കളിച്ചത്. ഇന്നിങ്ങ്‌സിന്റെ അവസാന ഓവറുകളില്‍ അര്‍ഷദീപിനൊപ്പം ഹാര്‍ദ്ദിക്കായിരുന്നു ക്രീസില്‍. പത്തൊമ്പതാം ഓവറില്‍ അര്‍ഷദീപ് സിംഗിള്‍ എടുത്തപ്പോള്‍ ഇനി നീ അവിടെ നിന്ന് എന്റെ കളി ആസ്വദിച്ചോളു എന്ന് ഹാര്‍ദ്ദിക് പറയുന്നത് സ്റ്റമ്പ് മൈക്കില്‍ പതിഞ്ഞിരുന്നു. ശേഷിച്ച 10 പന്തുകളും ഹാര്‍ദ്ദിക് കളിച്ചെങ്കിലും അവസാന രണ്ടോവറില്‍ 9 റണ്‍സ് മാത്രമാണ് ഇന്ത്യയ്ക്ക് നേടാനായത്. ഈ പന്തുകളില്‍ സ്‌ട്രൈക്ക് റൊട്ടേറ്റ് ചെയ്ത് അര്‍ഷദീപിന് ബാറ്റ് ചെയ്യാനുള്ള അവസരവും ഹാര്‍ദ്ദിക് നല്‍കിയിരുന്നില്ല. തനിക്ക് കിട്ടിയ പന്തുകള്‍ കൂടി മുതലാക്കാനാവാതെ വന്നതോടെ വലിയ വിമര്‍ശനമാണ് ഹാര്‍ദ്ദിക്കിന്റെ ഈ ഷോയ്‌ക്കെതിരെ ഉയരുന്നത്.
