നവംബറില്‍ തുടങ്ങാനിരിക്കുന്ന ഓസ്‌ട്രേലിയന്‍ പരമ്പരയ്ക്ക് മുന്‍പ് നിര്‍ണായക നീക്കങ്ങളുമായി ഇന്ത്യന്‍ പരിശീലകന്‍ ഗൗതം ഗംഭീര്‍. ഓള്‍റൗണ്ടര്‍ ഹാര്‍ദ്ദിക് പാണ്ഡ്യയെ ടെസ്റ്റ് ക്രിക്കറ്റിലേക്ക് തിരിച്ചെത്തിക്കാനുള്ള ശ്രമങ്ങളിലാണ് ഇന്ത്യന്‍ ക്യാമ്പെന്നാണ് റിപ്പോര്‍ട്ടുകള്‍ പറയുന്നത്. ഹാര്‍ദ്ദിക് റെഡ് ബോളില്‍ പരിശീലനം നടത്തുന്ന വീഡിയോ കഴിഞ്ഞ ദിവസം താരം തന്നെ പുറത്തുവിട്ടിരുന്നു. ഇതോടെയാണ് ഇത് സംബന്ധിച്ച അഭ്യൂഹങ്ങള്‍ ശക്തമായത്.
