India vs Australia 1st ODI: ഇന്ത്യ-ഓസ്‌ട്രേലിയ ഏകദിന പരമ്പരയിലെ ആദ്യ മത്സരത്തിനു മൊഹാലിയില്‍ തുടക്കം. ടോസ് ലഭിച്ച ഇന്ത്യ ബൗളിങ് തിരഞ്ഞെടുത്തു. സ്‌പോര്‍ട്‌സ് 18, ജിയോ സിനിമാസ് എന്നിവയില്‍ മത്സരം തത്സമയം കാണാം. മുഹമ്മദ് സിറാജിന് വിശ്രമം അനുവദിച്ചു. ഇഷാന്‍ കിഷനൊപ്പം ഋതുരാജ് ഗെയ്ക്വാദും പ്ലേയിങ് ഇലവനില്‍ ഇടം പിടിച്ചിട്ടുണ്ട്.
രോഹിത് ശര്‍മയുടെ അഭാവത്തില്‍ കെ.എല്‍.രാഹുലാണ് ഇന്ത്യയെ നയിക്കുന്നത്. പാറ്റ് കമ്മിന്‍സാണ് ഓസീസ് നായകന്‍. മൂന്നാം ഏകദിനത്തിലാണ് രോഹിത് ശര്‍മയും വിരാട് കോലിയും ഇന്ത്യന്‍ സ്‌ക്വാഡില്‍ തിരിച്ചെത്തുക. മൂന്ന് മത്സരങ്ങളാണ് ഏകദിന പരമ്പരയില്‍ ഉള്ളത്.