ഐസിസി ടി20 ബാറ്റ്സ്മാന്മാരുടെ റാങ്കിംഗിൽ നിലമെച്ചപ്പെടുത്തി കോലി. അടുത്തിടെ ടി20 മത്സരങ്ങൾ ഒന്നും തന്നെ കളിക്കാതെയാണ് റാങ്കിങിൽ ഒരുപടി കയറി കോലി നാലമനായത്. ആറാം സ്ഥാനത്തുള്ള കെഎൽ രാഹുലാണ് ആദ്യ പത്തിലുള്ള മറ്റൊരു ഇന്ത്യൻ ബാറ്റ്സ്മാൻ. ദക്ഷിണാഫ്രിക്കൻ ബാറ്റ്സ്മാനായ ക്വിന്റൺ ഡികോക്കാണ് പട്ടികയിൽ ഏറ്റവുമധികം നേട്ടമുണ്ടാക്കിയത്.
ഡികോക്ക് നാലുസ്ഥാനങ്ങൾ മെച്ചപ്പെടുത്തി തന്റെ കരിയറിലെ മികച്ച റാങ്കിങ്ങായ എട്ടാം റാങ്കിലെത്തി. ശ്രീലങ്കക്കെതിരായ മികച്ച പ്രകടനമാണ് ഡികോക്കിന് തുണയായത്. ഇംഗ്ലണ്ടിന്റെ ഡേവിഡ് മലാൻ ഒന്നമനായുള്ള പട്ടികയിൽ ബാബർ അസം, ആരോൺ ഫിഞ്ച് എന്നിവരാണ് രണ്ടും മൂന്നും സ്ഥാനത്തുള്ളത്.
