മാനഭംഗക്കേസിൽ കുറ്റക്കാരനെന്ന് തെളിഞ്ഞ ദേര സച്ചാ സൗദ മേധാവി ഗുർമീത് റാം റഹിം സിംഗിന്റെ പ്രമുഖഭക്തന്‍മാരില്‍ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്‌ലിയും. ആശിഷ് നെഹ്റയോടൊപ്പം വിരാട് ഗുർമീതിനെ സന്ദര്‍ശിച്ചതിന്റെയും വണങ്ങുന്നതിന്റെയും ചീത്രങ്ങളും വീഡിയോകളും സമൂഹമാധ്യമങ്ങളില്‍ വൈറലായി കൊണ്ടിരിക്കുകയാണ്.
ക്രിക്കറ്റ് കരിയറിന്റെ ആദ്യ ഘട്ടത്തിലാണ് കോഹ്‌ലി ഗുര്‍മീതിന്റെ അനുഗ്രഹം തേടി എത്തിയതെന്നാണ് സൂചന. ആള്‍ദൈവമായ ഗുര്‍മീതിന്റെ കാല്‍ ചുവട്ടില്‍ കോഹ്‌ലിയും സംഘവും ഇരിക്കുകയും വണങ്ങുകയും ചെയ്യുന്ന ദൃശ്യങ്ങളാണ് ഇപ്പോള്‍ പുറത്തുവന്നിരിക്കുന്നത്.
കോഹ്‌ലിയുടെ മികവിന് പിന്നില്‍ തന്റെ ഇടപെടലുകള്‍ ആണെന്ന് ഗുര്‍മീത് നേരത്തെ പറഞ്ഞിരുന്നു. “താന്‍ കളി പഠിപ്പിച്ചതിനാല്‍ ആണ് കോഹ്‌ലി രാജ്യത്തിന് വേണ്ടി കിരീടങ്ങള്‍ നേടുന്നതും വിജയിക്കുന്നതും” - എന്നുമായിരുന്നു ഗുര്‍മീതിന്റെ അവകാശ വാദം.
@RoflGandhi_ Mazak udate the na aap Gurmeet Ram Rahim ka. Ye dekho, Virat Kohli Ko cricket unhone hi sikhayi hai.