മെൽബൺ ക്രിക്കറ്റ് ഗ്രൗണ്ടിൽ നടന്ന നാലാം ടെസ്റ്റിൽ ഓസ്‌ട്രേലിയ 184 റൺസിന് വിജയിച്ചതോടെ ഇന്ത്യൻ ടീമിൽ ചില ആഴിച്ചുപണികളൊക്കെ നടത്താനൊരുങ്ങുന്നു. മത്സരത്തിന് പിന്നാലെ ഇന്ത്യയുടെ മുഖ്യ പരിശീലകൻ ഗൗതം ഗംഭീർ തൻ്റെ കളിക്കാരോട് ദേഷ്യപ്പെട്ടതായി റിപ്പോർട്ട്. ടീമംഗങ്ങളോട് സംസാരിച്ച അദ്ദേഹം തനിക്ക് മതിയായെന്നും പറഞ്ഞു. സീനിയർ താരങ്ങൾ അടക്കം എല്ലാവർക്കും ഗംഭീറിന്റെ വക വിമർശനം കേട്ടു എന്നാണ് ഇന്ത്യൻ എക്സ്പ്രസിന്റെ റിപ്പോർട്ട്.
കഴിഞ്ഞ ആറ് മാസങ്ങളിൽ ക്രിക്കറ്റ് താരങ്ങൾക്ക് അവർ ആഗ്രഹിച്ചത് ചെയ്യാൻ താൻ അനുവദിച്ചുവെന്നും എന്നാൽ ഇപ്പോൾ മുതൽ തൻ്റെ നിർദ്ദേശങ്ങൾ പാലിച്ചില്ലെങ്കിൽ കളിക്കാരെ ടീമിൽ നിന്ന് ഒഴിവാക്കുമെന്നും ഗംഭീർ പരാമർശിച്ചു. നടന്നുകൊണ്ടിരിക്കുന്ന ബോർഡർ-ഗവാസ്കർ ട്രോഫി 2024-25 ൽ ഇന്ത്യ 1-2 ന് പിന്നിലാണ്, കൂടാതെ ലോക ടെസ്റ്റ് ചാമ്പ്യൻഷിപ്പ് ഫൈനലിലേക്കുള്ള അവരുടെ യോഗ്യതയും സംശയത്തിലാണ്. അടുത്ത ടെസ്റ്റ് ജയിച്ചില്ലെങ്കിൽ ഇന്ത്യ ബോർഡർ- ഗവാസ്‌ക്കർ ട്രോഫി കൈവിടും.
