36 കാരനായ കോലി 12 വര്‍ഷത്തെ ഇടവേളയ്ക്കു ശേഷമാണ് രഞ്ജി കളിക്കാന്‍ ഇറങ്ങിയത്. റെയില്‍വെയ്‌സിന്റെ ഒന്നാം ഇന്നിങ്‌സിലാണ് കോലി ആരാധകന്‍ സുരക്ഷാ ഉദ്യോഗസ്ഥരുടെ കണ്ണുവെട്ടിച്ച് ഗ്രൗണ്ടില്‍ ഇറങ്ങിയത്. ഗ്രൗണ്ടില്‍ ഇറങ്ങിയ യുവാവ് അതിവേഗം പിച്ചിനു സമീപത്തേക്ക് ഓടിയെത്തി. സ്ലിപ്പില്‍ ഫീല്‍ഡ് ചെയ്യുകയായിരുന്ന കോലിക്ക് അടുത്തെത്തി കാലില്‍ വീണു. തുടര്‍ന്ന് സുരക്ഷാ ഉദ്യോഗസ്ഥര്‍ എത്തി ഇയാളെ പിടിച്ചുകൊണ്ടുപോയി. ആരാധകനെ ഉപദ്രവിക്കരുതെന്ന് കോലി സുരക്ഷാ ഉദ്യോഗസ്ഥരോടു ആവശ്യപ്പെടുകയും ചെയ്തു. വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്.
