വാംഖഡെ സ്റ്റേഡിയത്തില് കൊല്ക്കത്ത നൈറ്റ് റൈഡേഴ്സിനെതിരായ മത്സരത്തിൽ ഓയിൻ മോർഗനെ പുറത്താക്കി ഐപിഎല്ലില് 150 പേരെ പുറത്താക്കുന്ന ആദ്യ വിക്കറ്റ് കീപ്പര് എന്ന നേട്ടമാണ് താരം സ്വന്തമാക്കിയത്. മത്സരത്തിൽ മോർഗന് പുറമെ നിതീഷ് റാണ, രാഹുല് ത്രിപാഠി എന്നിവരുടെ ക്യാച്ചുകളും സ്വന്തമായിരുന്നു. ഐപിഎല് കരിയറിലാകെ 201 ഇന്നിഗ്സിൽ നിന്നും 151 പേരെയാണ് ധോണി പുറത്താക്കിയത്. ഇതിൽ 112 ക്യാച്ചും 39 സ്റ്റമ്പിങും ഉൾപ്പെടുന്നു.
