വെസ്റ്റിന്‍ഡീസിനെതിരെ ഹൊബാര്‍ട്ടില്‍ നടക്കുന്ന ആദ്യ ടി20യില്‍ ഓസീസ് ടി20 നായകന്‍ മിച്ചല്‍ മാര്‍ഷിന് കളിക്കാന്‍ അനുമതി. കൊവിഡ് പോസിറ്റീവായതിനെ തുടര്‍ന്ന് താരത്തിന് കളിക്കാനാകുമോ എന്ന കാര്യത്തില്‍ സംശയമുണ്ടായിരുന്നു. എന്നാല്‍ അകലം പാലിച്ച് കളിക്കാനാണ് താരത്തിന് അനുമതി നല്‍കിയിരിക്കുന്നത്. നേരത്തെ വെസ്റ്റിന്‍ഡീസിനെതിരായ ടെസ്റ്റ് പരമ്പരയില്‍ കൊവിഡ് ബാധിതനായിരുന്ന കാമറൂണ്‍ ഗ്രീനും ജോഷ് ഇംഗ്ലീഷും സമാനമായ രീതിയില്‍ കളിച്ചിരുന്നു.
