വിന്‍ഡീസിനെതിരെ ഓസ്ട്രേലിയയ്ക്ക് മികച്ച തുടക്കം
രണ്ടാം ക്രിക്കറ്റ്‌ ടെസ്റ്റില്‍ വെസ്റ്റ്‌ഇന്‍ഡീസിനെതിരെ ഓസ്ട്രേലിയ മികച്ച നിലയില്‍ . ഒന്നാം ദിനം കളിയവസാനിക്കുമ്പോള്‍ നാല് വിക്കറ്റ് നഷ്ടത്തില്‍ 258 റണ്‍സ് എന്ന നിലയിലാണ്‌ ഓസ്ട്രേലിയ. സെഞ്ചുറിയുമായി സ്റ്റീവ് സ്‌മിത്തും(135), ഷെയ്‌ന്‍ വാട്‌സണുമാണ്‌(20) ക്രീസില്‍.
ആദ്യം ബാറ്റ് ചെയ്ത ഓസീസിന്റെ തുടക്കം തകര്‍ച്ചയോടെയായിരുന്നു. തന്നെ ഓപ്പണര്‍ ഡേവിഡ്‌ വാര്‍ണറെ (0) നഷ്ടമായില്‍. പിന്നാലെ സ്‌കോര്‍ 16ല്‍ എത്തിയപ്പോള്‍ ഷോണ്‍ മാര്‍ഷും(11) പുറത്തായി. എന്നാല്‍ പിന്നീടെത്തിയ സ്റ്റീവ് സ്‌മിത്ത്‌ (135) നായകന്‍ മൈക്കിള്‍ ക്ലാര്‍ക്കിനും(47) ആദം വോഗ്‌സിനും(37) ചേര്‍ന്ന് ഓസ്ട്രേലിയയെ കരകയറ്റുകയായിരുന്നു. വീന്‍ഡീസിനുവേണ്‌ടി ജെറോം ടെയ്‌ലര്‍ മൂന്നും ജേസണ്‍ ഹോള്‍ഡര്‍ ഒരു വിക്കറ്റും നേടി.
