അബുദാബി ഷെയ്ഖ് സയദ് സ്റ്റേഡിയത്തില്‍ നടന്ന മത്സരത്തില്‍ ഓപ്പണര്‍ സിദ്ധിഖുള്ള അതല്‍ (52 പന്തില്‍ 73), ആറാമനായി ക്രീസിലെത്തിയ അസ്മത്തുള്ള ഒമര്‍സായി (21 പന്തില്‍ 53) എന്നിവരുടെ അര്‍ധ സെഞ്ചുറികളാണ് അഫ്ഗാനിസ്ഥാന് മികച്ച സ്‌കോര്‍ സമ്മാനിച്ചത്. മുഹമ്മദ് നബി 26 പന്തില്‍ 33 റണ്‍സെടുത്തു.
ബാറ്റിങ്ങില്‍ മികച്ച പ്രകടനം നടത്തിയ ഒമര്‍സായി രണ്ട് ഓവറില്‍ നാല് റണ്‍സ് മാത്രം വഴങ്ങി ഒരു വിക്കറ്റ് വീഴ്ത്തി. ഒമര്‍സായിയാണ് കളിയിലെ താരം. ഫസല്‍ഹഖ് ഫറൂഖി, ഗുല്‍ബാദിന്‍ നായിബ് എന്നിവര്‍ക്ക് രണ്ട് വീതം വിക്കറ്റുകള്‍. റാഷിദ് ഖാനും നൂര്‍ അഹമ്മദും ഓരോ വിക്കറ്റ് വീഴ്ത്തി.
