ടോസ് നഷ്ടപ്പെട്ട് ആദ്യം ബാറ്റ് ചെയ്യേണ്ടി വന്ന ഓസ്ട്രേലിയ 9 വിക്കറ്റിന് 277 റൺസാണ് അടിച്ചത്. ആരോൺ ഫിഞ്ച് 68, സ്റ്റീവ് സ്മിത്ത് 56, ഹെഡ് 71 എന്നിവരായിരുന്നു ഓസ്ട്രേലിയയുടെ പ്രധാന സ്കോറർമാർ. 27 ഓവറിൽ 2 വിക്കറ്റ് നഷ്ടത്തിൽ 161 റൺസിലെത്തിയ അവർക്ക് പിന്നീടുളള 23 ഓവറിൽ വെറും 114 റൺസ് മാത്രമേ എടുക്കാൻ പറ്റിയുള്ളൂ. ഇംഗ്ലണ്ടിന് വേണ്ടി വുഡും റഷീദും 4 വിക്കറ്റ് വീതം വീഴ്ത്തി.
ടൂര്‍ണമെന്റില്‍ നിന്നും ഓസ്ട്രേലിയ പുറത്തായതോടെ ബംഗ്ലാദേശിനാണ് ലോട്ടറിയടിച്ചത്. കഴിഞ്ഞ മത്സരത്തില്‍ ന്യൂസിലാൻഡിനോട് ജയിച്ച ബംഗ്ലാദേശ് മൂന്ന് പോയിന്റുമായി ചാമ്പ്യൻസ് ട്രോഫിയുടെ സെമിഫൈനലിലെത്തി. മൂന്ന് കളിയിൽ മൂന്ന് ജയവുമായി ഇംഗ്ലണ്ടും സെമി കളിക്കും. ഗ്രൂപ്പ് ബിയിൽ മൂന്നാം സ്ഥാനത്തുള്ള ഓസ്ട്രേലിയയ്ക്ക് രണ്ടും നാലാം സ്ഥാനത്തുള്ള ന്യൂസിലാൻഡിന് ഒരു പോയിന്റുമാണുള്ളത്.
