ദക്ഷിണാഫ്രിക്കയ്ക്ക് ഒരുറപ്പുമില്ല, അവര്‍ക്ക് ജയിക്കാനാവുമോ എന്ന്. എന്നാല്‍ ഇന്ത്യന്‍ ആരാധകര്‍ ഒരു പുഞ്ചിരിയോടെയായിരിക്കും ഈ കളി വീക്ഷിക്കുക. കാരണം അവര്‍ക്കറിയാം, ഇന്ത്യയുടെ സ്പിന്‍ ആക്രമണത്തിനുമുന്നില്‍ ദക്ഷിണാഫ്രിക്കയ്ക്ക് പിടിച്ചുനില്‍ക്കണമെങ്കില്‍ അസാധാരണമായ ഭാഗ്യം ആഫ്രിക്കന്‍ ബാറ്റ്സ്‌മാന്മാര്‍ക്കുണ്ടാകണമെന്ന്. ഇന്ത്യയെ തോല്‍പ്പിക്കാന്‍ 310 റണ്‍സാണ് ദക്ഷിണാഫ്രിക്കയ്ക്ക് വേണ്ടത്. ഇപ്പോഴത്തെ സാഹചര്യത്തില്‍ അത് ഏതാണ്ട് അസാധ്യമെന്നുതന്നെ പറയാം.
രണ്ടാം ഇന്നിംഗ്സില്‍ ഇന്ത്യയും തകര്‍ന്നടിയുകയായിരുന്നു. 173 റണ്‍സിന് എല്ലാവരും കൂടാരം കയറി. ശിഖര്‍ ധവാന്‍(39), പൂജാര(31), രോഹിത് ശര്‍മ(23), കോഹ്‌ലി(16), അമിത് മിശ്ര(14) എന്നിവരാണ് ഭേദപ്പെട്ട പ്രകടനം കാഴ്ചവച്ചത്. ഇമ്രാന്‍ താഹിര്‍ അഞ്ചുവിക്കറ്റ് സ്വന്തമാക്കി.
