ക്രിക്കറ്റ്‌ ഇതിഹാസം സച്ചിന്‍ ടെന്‍ഡുല്‍ക്കറിനു രാജ്യത്തെ പരമോന്നത സിവിലിയന്‍ ബഹുമതിയായ ഭാരതരത്നം നല്‍കിയതിനെതിരേ സമര്‍പ്പിച്ച പൊതുതാല്‍പര്യ ഹര്‍ജി മദ്രാസ്‌ ഹൈക്കോടതി തള്ളി.
ചീഫ്‌ ജസ്‌റ്റിസ്‌ ആര്‍കെ അഗര്‍വാള്‍, ജസ്‌റ്റിസ്‌ കെ രവിചന്ദ്രബാബു എന്നിവരുടെ ബെഞ്ചാണു ഹര്‍ജി തള്ളിയത്‌. കായിക താരങ്ങളെയും ഭാരതരത്നയ്‌ക്കു പരിഗണിക്കാമെന്ന കേന്ദ്ര സര്‍ക്കാരിന്റെ ഭേദഗതി സംബന്ധിച്ച രേഖകള്‍ അഡീഷണല്‍ സോളിസിറ്റര്‍ ജനറല്‍ പി വില്‍സണ്‍ ഹാജരാക്കിയതോടെയാണു പൊതുതാല്‍പര്യ ഹര്‍ജി തള്ളിയത്‌.