മലയാളത്തിലെ ആരാധകരുടെ ഇഷ്ട താരമാണ് പ്രഭാസ്. പ്രഭാസിന്റെ ജന്മദിനമാണ് ഒക്ടോബര് 23ന്. പിറന്നാള്‍ ദിനത്തില്‍ തന്നെ സ്നേഹിക്കുന്ന ആരാധകര്‍ക്കായി ഉഗ്രന്‍ സമ്മാനം നല്‍കാനുള്ള തയ്യാറെടുപ്പിലാണ് താരം. പ്രഭാസിന്റെ പുതിയ ചിത്രം സാഹോയുടെ മെയ്ക്കിംഗ് വീഡിയോയും പുതിയ പോസ്റ്ററുകളും ഫോട്ടോഷൂട്ടും 22ന് രാത്രി പുറത്തുവിടാനാണ് താരത്തിന്റെ ആലോചന.
അതിന് പുറമേ ഫേസ്ബുക്ക് ലൈവില്‍ വന്ന് ആരാധകരുടെ സന്തോഷം ഇരട്ടിയാക്കാനും പദ്ധതിയുണ്ട്. ബാഹുബലിയില്‍ നിന്ന് തികച്ചും വ്യത്യസ്തമായ ഗെറ്റപ്പിലാണ് പ്രഭാസ് സാഹോയില്‍ എത്തുന്നത്. സാഹോയുടെ പ്രധാന ഷെഡ്യൂള്‍ ഹൈദരാബാദില്‍ പൂര്‍ത്തിയായിട്ടുണ്ട്. അടുത്തമാസം യൂണിറ്റ് ദുബായിലേക്ക് പോകുമെന്നാണ് വിവരം.