തിയേറ്ററുകളിലെ ആരവം ഇന്ന് പോളിങ് ബൂത്തുകളിലേക്ക്. 'ഞാനല്ല വോട്ട് ചെയ്യുന്ന നിങ്ങളാണ് ഹീറോസ്',- എന്ന് പറഞ്ഞുകൊണ്ട് പുതിയ പോസ്റ്റര്‍ പങ്കുവെച്ചിരിക്കുകയാണ് ഗുരുവായൂരമ്പലനടയില്‍ ടീം. വിപിന്‍ ദാസ് സംവിധാനം ചെയ്യുന്ന 'ഗുരുവായൂരമ്പലനടയില്‍' റിലീസിന് ഒരുങ്ങുകയാണ്.പൃഥ്വിരാജ് സുകുമാരനും ബേസില്‍ ജോസഫും പ്രധാന കഥാപാത്രങ്ങളെ അവതരിപ്പിക്കുന്ന സിനിമയുടെ ചിത്രീകരണം അടുത്തിടെയാണ് പൂര്‍ത്തിയായത്.
കഴിഞ്ഞ മെയ് 12 ആയിരുന്നു ചിത്രീകരണം ആരംഭിച്ചത് വേറൊരു സിനിമയുടെ ചിത്രീകരണത്തിനിടെ പരിക്കേറ്റ് രണ്ടുമാസത്തോളം വിശ്രമത്തിലായിരുന്ന പൃഥ്വിരാജ്, ആരോഗ്യനില വീണ്ടെടുത്ത ശേഷമാണ് വീണ്ടും ഷൂട്ടിങ്ങിനായി എത്തിയത്. അതിനാല്‍ ചിത്രീകരണം നീണ്ടു പോകുകയായിരുന്നു.
