വിജയ് നായകനായെത്തുന്ന 'ബീസ്റ്റ്' റിലീസ് മാറ്റാന്‍ ഒരുങ്ങുന്നു. 2022 ഏപ്രിലില്‍ ചിത്രം റിലീസ് ചെയ്യുമെന്ന് നിര്‍മ്മാതാക്കള്‍ സ്ഥിരീകരിച്ചിട്ടുണ്ടെങ്കിലും അതില്‍ നിന്ന് പിന്നോട്ടു പോകാനാണ് സാധ്യത.
2022 ഏപ്രില്‍ 14 ന് 'ബീസ്റ്റ്' റിലീസിന് എത്തിക്കാനായിരുന്നു നിര്‍മ്മാതാക്കള്‍ ശ്രമിച്ചത്. എന്നാല്‍ ജനപ്രിയ കന്നഡ താരം യാഷ് അഭിനയിച്ച 'കെജിഎഫ് 2' ഏപ്രില്‍ 14 ന് നേരത്തെ തന്നെ റിലീസ് പ്രഖ്യാപിച്ചിരുന്നു.
ആദ്യദിനത്തില്‍ വിജയ് യുടെ ബീസ്റ്റിന്റെ നിര്‍മ്മാതാക്കള്‍ 'കെജിഎഫ് 2' മായി ഏറ്റുമുട്ടല്‍ ഒഴിവാക്കാനാണ് തീരുമാനിച്ചിരിക്കുന്നത്. 'ബീസ്റ്റ്' ഒരു ദിവസം മുമ്പ് 2022 ഏപ്രില്‍ 13-ന് ബിഗ് സ്‌ക്രീനുകളില്‍ എത്തുമെന്നാണ് റിപ്പോര്‍ട്ടുകള്‍.