എന്റെ പൈസയ്ക്ക് ഞാന്‍ എനിക്കിഷ്ടമുള്ള സിനിമയെടുക്കും, പ്രൊഡ്യൂസേഴ്‌സ് അസോസിയേഷനെ തള്ളി ഉണ്ണി മുകുന്ദന്‍

അഭിറാം മനോഹർ

ചൊവ്വ, 25 ഫെബ്രുവരി 2025 (12:28 IST)
നടന്മാര്‍ നിര്‍മാതാക്കളാകരുതെന്ന പ്രൊഡ്യൂസേഴ്‌സ് അസോസിയേഷന്റെ നിര്‍ദേശം തള്ളികളഞ്ഞ് ഉണ്ണി മുകുന്ദന്‍. അഭിനേതാക്കള്‍ സിനിമ നിര്‍മിക്കുന്നതിനെ ആര്‍ക്കും എതിര്‍ക്കാനാവില്ലെന്ന നിലപാടാണ് വിഷയത്തില്‍ ഉണ്ണി മുകുന്ദന്‍ എടുത്തത്. തന്റെ പണം കൊണ്ട് തനിക്കിഷ്ടപ്പെട്ട സിനിമയെടുക്കുമെന്നും മറ്റാരും അതിനെ ചോദ്യം ചെയ്യാതിരിക്കുന്നതാണ് മാന്യതയെന്നും ഉണ്ണി മുകുന്ദന്‍ പറഞ്ഞു. തന്റെ പുതിയ സിനിമയായ ഗെറ്റ് സെറ്റ് ബേബിയുടെ പ്രമോഷനുമായി ബന്ധപ്പെട്ട വാര്‍ത്താസമ്മേളനത്തിലാണ് താരത്തിന്റെ പ്രതികരണം.
 
നല്ല സിനിമകള്‍ ചെയ്യണമെന്ന് ആഗ്രഹിച്ച് നിര്‍മാതാവായ ഒരാളാണ് ഞാന്‍. എന്റെ പണം കൊണ്ട് എന്റെ ഇഷ്ടത്തിന് സിനിമ ചെയ്യും. അതെന്റെ അവകാശമാണ്. എന്റെ കാശ് കൊണ്ട് എന്ത് ചെയ്യുന്നുവെന്ന് ആരും ചോദിക്കേണ്ട കാര്യമില്ല. അതാണ് മാന്യത. ഞാന്‍ നിര്‍മിച്ച സിനിമകള്‍ നല്ലതാണെന്നാണ് എന്റെ വിശ്വാസം. അതിന്റെ ലാഭവും നഷ്ടവുമെല്ലാം മറ്റാരോടും ചര്‍ച്ച ചെയ്യേണ്ട ആവശ്യമില്ല. ഒരു നടനോട് സിനിമ നിര്‍മിക്കാന്‍ പാടില്ല എന്ന് പറയുന്നത് ശരിയാണോ? അതെന്റെ അവകാശമാണ്. എന്റെ മാത്രമല്ല എല്ലാവരുടെയും. ആ പ്രസ്താവന തന്നെ തെറ്റാണ്. ഇതൊരു ഫ്രീ സ്‌പേസാണ് സീറോ ബജറ്റിലും പുതിയ ആളുകളെ വെച്ചുമൊക്കെ സിനിമ ചെയ്യാം. ഇതിനൊരു റൂള്‍ ബുക്കൊന്നുമില്ല. ഉണ്ണി മുകുന്ദന്‍ പറഞ്ഞു. താന്‍ അധികം പ്രതിഫലം വാങ്ങാറില്ലെന്നും അഞ്ചുവര്‍ഷമായി സ്വന്തം പ്രൊഡക്ഷന്‍ കമ്പനിയിലാണ് വര്‍ക്ക് ചെയ്യുന്നതെന്നും ഉണ്ണി മുകുന്ദന്‍ കൂട്ടിച്ചേര്‍ത്തു.
 

വെബ്ദുനിയ വായിക്കുക

അനുബന്ധ വാര്‍ത്തകള്‍