പുലിമുരുകൻ എന്ന ബിഗ്ബഡ്ജറ്റ് ചിത്രത്തിൽ മോഹൻലാൽ അഭിനയിച്ചത് പതിഫലം വാങ്ങാതെയെന്ന് ചിത്രത്തിന്റെ നിർമ്മാതാവ് ടോമിച്ചൻ മുളകുപാടം. രാമലീല 111 ദിവസങ്ങൾ പിന്നിട്ടതിന്റെ ആഘോഷച്ചടങ്ങിൽ സംസാരിക്കുമ്പോഴാണ് ടോമിച്ചൻ ഇക്കാര്യം വെളിപ്പെടുത്തിയത്. ചിത്രം നിർമ്മിക്കുന്നതിനായി മോഹൻലാൽ സാമ്പത്തിക സഹായം നൽകി എന്നും ടോമിച്ചൻ പറഞ്ഞു.
പുലിമുരുകൻ പുറത്തിറക്കാനായി ഏറെ സഹായിച്ചത് മോഹൻലാലും ആന്റണി പെരുമ്പാവൂരുമാണ്. ചിത്രം റിലീസ് ചെയ്ത് 25 ദിവസങ്ങൽക്ക് ശേഷമാണ് മോഹൻലാലിന് പ്രതിഫലം നൽകുന്നത്. പുലിമുരുകന്റെ നിർമ്മാണച്ചിലവ് പ്രതീക്ഷിച്ചതിലും മൂന്നിരട്ടിയായി. ഷൂട്ടിങ്ങ് നുറു ദിവസവും കഴിഞ്ഞ് മുന്നോട്ടു പോയപ്പോൾ എന്റെ തലക്ക് സുഖമില്ലേ എന്ന് വരെ ആളുകൾ ചോദിച്ചു. ഏറെ ബുദ്ധിമുട്ടിയാണ് ചിത്രം പൂർത്തീകരിച്ചത്. 200 ദിവസം ലാൽ സാർ ചിത്രത്തിൽ അഭിനയിച്ചു. ചിത്രത്തിനുവേണ്ടി സാമ്പത്തികമായി കൂടി സഹായിച്ചു. മലയാളം ഇന്റസ്ട്രി തന്നെ ഓർക്കേണ്ട കാര്യമാണിതെന്ന് ടോമിച്ചൻ പറഞ്ഞു
