അഭിനേതാവ്, സംവിധായകൻ, ചിത്രകാരന്‍ എന്നീ നിലകളില്‍ പ്രശസ്തനായ സുവീരന്‍ സംവിധാനം ചെയ്യുന്ന ഏറ്റവും പുതിയ കുടുംബ ചിത്രം 'മഴയത്ത്' ഏപ്രിൽ 27-ന് റിലീസിനൊരുങ്ങുന്നു. ദേശീയ പുരസ്കാരം അടക്കം നിരവധി അംഗീകാരം നേടിയ സുവീരൻ വ്യത്യസ്‌തമായ കഥകളുമായാണ് എന്നും പ്രേക്ഷകരിലേക്കെത്താറുള്ളത്.
അപര്‍ണ ഗോപിനാഥ്, മനോജ് കെ ജയൻ, സന്തോഷ് കിഴാറ്റൂർ, സുനില്‍ സുഖദ, നന്ദു, ശാന്തി കൃഷ്ണ, ശിവജി ഗുരുവായൂർ എന്നിവര്‍ ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിക്കുന്നു. കൂടാതെ ഗപ്പിയിലൂടെ പ്രേക്ഷക ശ്രദ്ധ നേടിയ നന്ദന വര്‍മ്മയും മികച്ച വേഷത്തെ അവതരിപ്പിക്കുന്നു. പ്രേക്ഷകർക്കിടെ ആകാംക്ഷ നിറച്ചുകൊണ്ട് ചിത്രത്തിന്റെ ട്രെയിലറും ടീസറും ഇതിനോടകം തന്നെ ശ്രദ്ധ നേടിയിരിക്കുന്നു.
