ക്രിസ്മസ് റിലീസ്, നിവിന്‍ പോളിയുടെ തുറമുഖവും ബിഗ്‌സക്രീനിലേക്ക്

വീണ്ടും തിയറ്ററുകളിലേക്ക് ആളുകളെ എത്തിക്കാന്‍ ബിഗ് ബജറ്റ് ചിത്രങ്ങളും റിലീസ് പ്രഖ്യാപിക്കുകയാണ്. ഈ വര്‍ഷം ആദ്യം റിലീസ് പ്രഖ്യാപിച്ച് അത് മാറ്റി വെക്കേണ്ടി വന്ന നിവിന്‍ പോളി ചിത്രമാണ് തുറമുഖം.രാജീവ് രവി സംവിധാനം ചെയ്ത ബിഗ് ബജറ്റ് പിരീസ് ഡ്രാമ ബിഗ് ബിഗ് സ്‌ക്രീനിലേക്ക്. ക്രിസ്മസ് റിലീസ് ആണ്.

ഡിസംബര്‍ 24ന് തിയേറ്ററുകളില്‍ റിലീസ് ചെയ്യും.നിവിന്‍ പോളിക്കൊപ്പം നിമിഷ സജയന്‍, ഇന്ദ്രജിത്ത് സുകുമാരന്‍, ജോജു ജോര്‍ജ്, പൂര്‍ണിമ ഇന്ദ്രജിത്ത്, അര്‍ജുന്‍ അശോകന്‍, സുദേവ് നായര്‍, മണികണ്ഠന്‍ ആചാരി തുടങ്ങിയ താരങ്ങള്‍ ചിത്രത്തിലുണ്ട്.

1940 കളില്‍ നിലവിലുണ്ടായിരുന്ന 'ചാപ്പ' സമ്പ്രദായത്തിനെതിരായ പോരാട്ടത്തെക്കുറിച്ചാണ് ഈ രാജീവ് രവി ചിത്രം പറയുന്നത്.