ദുല്‍ഖര്‍ സല്‍മാനും തിലകനും കേന്ദ്ര കഥാപാത്രങ്ങളെ അവതരിപ്പിച്ച ഉസ്താദ് ഹോട്ടല്‍ റിലീസ് ചെയ്തിട്ട് ഇന്നേക്ക് ഒന്‍പത് വര്‍ഷം ആയി. വര്‍ഷങ്ങള്‍ക്ക് ഇപ്പുറവും ഉസ്താദ് ഹോട്ടല്‍ മലയാളികളുടെ പ്രിയപ്പെട്ട സിനിമയാണ്. തിലകന്റെ കരീം ഇക്കാ എന്ന കഥാപാത്രം വളരെ ശ്രദ്ധിക്കപ്പെട്ടിരുന്നു. കരീം ഇക്ക ഒരു കല്യാണ വീട്ടില്‍ പണിക്ക് പോയപ്പോള്‍ കറക്കിയെടുത്ത ഹൂറിയെ ഓര്‍മയില്ലേ? ആ നടി ഇപ്പോള്‍ എങ്ങനെയാണെന്ന് അറിയാമോ? നടി മാളവിക നായരാണ് കരീം ഇക്കയുടെ പ്രണയിനിയായി ഉസ്താദ് ഹോട്ടലില്‍ അഭിനയിച്ചത്. താരത്തിന്റെ പുതിയ ഫോട്ടോകളെല്ലാം സോഷ്യല്‍ മീഡിയയില്‍ വൈറലാണ്.
മാളവിക മോഡലിങ്ങിലൂടെയാണ് സിനിമയിലെത്തുന്നത്. മുംബൈയിലാണ് താരം ജനിച്ചുവളര്‍ന്നത്. ബ്ലാക്ക് ബട്ടര്‍ഫ്‌ളൈ, കര്‍മ്മയോദ്ധ, പുതിയ തീരങ്ങള്‍, പകിട തുടങ്ങിയ ചിത്രങ്ങളിലും മാളവിക അഭിനയിച്ചു. മലയാളത്തിനു പുറമെ തെലുങ്ക്, തമിഴ്, മലയാളം ഭാഷാചിത്രങ്ങളിലും സജീവമാണ് മാളവിക ഇപ്പോള്‍.
