ഈ ചിത്രത്തില്‍ ഒരു ഫ്രിഡ്ജ് ഉണ്ട്, നിങ്ങള്‍ക്ക് കാണുന്നുണ്ടോ?
വ്യാഴം, 6 ഒക്‌ടോബര്‍ 2022 (10:04 IST)
വളരെ രസകരമായ ഒരു ചിത്രമാണ് സോഷ്യല്‍ മീഡിയയില്‍ ഇപ്പോള്‍ വൈറലായിക്കൊണ്ടിരിക്കുന്നത്. ഒരു വീട്ടിലെ അടുക്കളയുടെ ചിത്രം. എന്നാല്‍ ഈ ചിത്രത്തില്‍ ഒരു ഫ്രിഡ്ജ് ഒളിച്ചിരിപ്പുണ്ട്. ആ ഫ്രിഡ്ജ് കണ്ടെത്താന്‍ 90 ശതമാനം പേര്‍ക്കും സാധിക്കുന്നില്ല !
ഒറ്റ നോട്ടത്തില്‍ ഈ ചിത്രത്തില്‍ എവിടെയാണ് ഫ്രിഡ്ജ് ഉള്ളതെന്ന് മനസ്സിലാക്കാന്‍ സാധിക്കുന്നില്ല. ആദ്യ നോട്ടത്തില്‍ ഈ ചിത്രത്തില്‍ ഉള്ളത് വളരെ വൃത്തിയുള്ള അടുക്കളയാണെന്ന് നമുക്ക് തോന്നും. എന്നാല്‍ അതല്ല സത്യം.
താഴെയും മുകളിലുമായി ഭംഗിയുള്ള ഷെല്‍ഫുകളും ഒതുങ്ങിയിരിക്കുന്ന പാത്രങ്ങളുമാണ് ഈ ചിത്രത്തില്‍ ഒറ്റ നോട്ടത്തില്‍ കാണുന്നത്. പലര്‍ക്കും അഞ്ച് മിനിറ്റ് എടുത്ത ശേഷമാണ് ചിത്രത്തിലെ ഫ്രിഡ്ജ് കണ്ടുപിടിക്കാന്‍ സാധിച്ചത് തന്നെ.
യഥാര്‍ഥത്തില്‍ ഈ ചിത്രത്തില്‍ കാണുന്നത് ഒരു ഫ്രിഡ്ജ് മാത്രമാണ്. ഫ്രിഡ്ജിന്റെ ഗ്ലാസ് ടൈപ്പ് പ്രതലത്തിലൂടെ അടുക്കളയുടെ പ്രതിബിംബമാണ് ചിത്രത്തില്‍ കാണുന്നത്. ഒരു ഡബിള്‍ ഡോര്‍ ഫ്രിഡ്ജാണ് ചിത്രത്തിലുള്ളത്. ഇത് കണ്ടെത്താന്‍ പലരും ഏറെ പാടുപെട്ടു.
