തെന്നിന്ത്യന്‍ കച്ചവട സിനിമകളില്‍ തന്റെ കഥാപാത്രങ്ങളുമായി തനിക്കൊരു കണക്ഷന്‍ തോന്നാറില്ല, ചിലത്തിന്റെ തീവ്രത കുറയ്ക്കാന്‍ താന്‍ സംവിധായകരോട് ആവശ്യപ്പെടാറുണ്ടെന്നും തമന്ന പറയുന്നു.പുരുഷത്വത്തെ ആഘോഷിക്കുന്ന സിനിമകളില്‍ അഭിനയിക്കാതിരിക്കാന്‍ ഞാന്‍ ബോധപൂര്‍വമായ ശ്രമങ്ങള്‍ ആരംഭിച്ചിട്ടുണ്ടെന്നും നടി കൂട്ടിച്ചേര്‍ത്തു.
ഫിലിംഫെയര്‍ മാഗസിന് നല്‍കിയ അഭിമുഖത്തിനിടെയാണ് തമന്ന ഇക്കാര്യം പറഞ്ഞത്.
ആഗ്രി സാച്ച് വെബ് സീരീസില്‍ ആണ് നടിയെ ഒടുവില്‍ കണ്ടത്. ജയിലര്‍ എന്ന ചിത്രത്തിലും താരം അഭിനയിച്ചു. സുന്ദര്‍ സി ഒരുക്കുന്ന അരമനെ 4യില്‍ തമന്നയും ഉണ്ടാകും. മലയാളത്തില്‍ ബാന്ദ്ര ഹിന്ദിയില്‍ വേദ തുടങ്ങിയ ചിത്രങ്ങളാണ് ഇനി വരാനിരിക്കുന്നത്.
