മുരളിചേട്ടൻ ഇട്ട പേരാണ്, ഞങ്ങൾക്ക് അമ്മയാണ്, അല്ലാതെ പറയുന്ന വേല അവരുടെ വീട്ടിൽ കൊണ്ട് വെച്ചാൽ മതി: സുരേഷ് ഗോപി
ഒരുപാട് സ്‌നേഹക്കൂടുതലാണ് ഇപ്പോള്‍ തോന്നുന്നത്. 1994ല്‍ സംഘടന രൂപീകൃതമായതിന് തൊട്ട് പിന്നാലെ തന്നെ അടുക്കും ചിട്ടയോടും കൂടി തുടങ്ങാന്‍ പറ്റത്ത സാഹചര്യത്തില്‍ ഇതുപോലൊരു അഡ്‌ഹോക്ക് കമ്മിറ്റി രൂപീകരിച്ച് ബഹുമാനപ്പെട്ട മധു സാര്‍ നയിക്കുന്ന രീതിയിലാണ് സംഘടന തുടങ്ങുന്നത്. പിന്നീട് എം ജി സോമന്റെ നേതൃത്വത്തിലാണ് സംഘടന സ്ഥാപിതമാകുന്നത്. 1995 ജനുവരിയിലാണ് ധനശേഖരണാര്‍ഥം അമ്മ ആദ്യ ഷോ നടത്തുന്നത്. തുടര്‍ന്നിങ്ങോട്ട് ഒരുപാട് പേരുടെ ഹൃദയകൂട്ടായ്മയായിട്ടാണ് സംഘടന നിലനിന്നത്. 6 മാസം മുന്‍പ് നമ്മള്‍ ഹൃദയം കൊണ്ട് വോട്ട് ചെയ്ത് ജയിപ്പിച്ച ഒരു സംഘം ഒരു വെറും വാക്ക് പറഞ്ഞ് ഇറങ്ങിപോയെന്നെ ഞാന്‍ കരുതുന്നുള്ളു.
