കത്തിയെരിഞ്ഞ സിഗരറ്റ്, നിലത്തേക്ക് വീഴുന്ന കൈവിലങ്ങ് - ആരാധകർ ആകാംക്ഷയോടെ കാത്തിരിക്കുന്ന സുരേഷ് ഗോപിയുടെ 250-മത്തെ ചിത്രത്തിൻറെ ടൈറ്റിൽ പുറത്തുവന്നു. മോഹൻലാലും മമ്മൂട്ടിയും ഉൾപ്പെടെ 100 താരങ്ങളുടെ ഒഫീഷ്യൽ പേജ് വഴിയാണ് പ്രഖ്യാപനമുണ്ടായത്. 'ഒറ്റക്കൊമ്പൻ' എന്നാണ് എസ് ജി 250-ന്റെ ടൈറ്റിൽ.
അതേസമയം, നേരത്തെ സുരേഷ് ഗോപിയുടെ 250-മത് ചിത്രമായി പ്രഖ്യാപിക്കപ്പെട്ട കടുവാക്കുന്നേൽ കുറുവച്ചൻ എന്ന സിനിമ കോടതി വിലക്കിയിരുന്നു. എന്നാൽ പഴയ തിരക്കഥയിൽ തന്നെയായിരിക്കും ചിത്രമൊരുങ്ങുന്നതെന്ന സൂചനയാണ് ടൈറ്റിൽ വീഡിയോ തരുന്നത്.
