മലയാള സിനിമയിലെ സൂപ്പര്‍ താരങ്ങളെ കണക്കറ്റ് വിമര്‍ശിച്ച കഥാപാത്രമായിരുന്നു രോഷന്‍ ആന്‍ഡ്രൂസ് സംവിധാനം ചെയ്ത ഉദയനാണ് താരം എന്ന സിനിമയിലെ സരോജ് കുമാര്‍ എന്ന കഥാപാത്രം. മമ്മൂട്ടിയുടെയും മോഹന്‍ലാലിന്റെയും പല ഘടകങ്ങള്‍ ഉള്‍ചേര്‍ന്ന കഥാപാത്രമായിരുന്നു അത്. എന്നാല്‍ സരോജ് കുമാര്‍ എന്ന അതേ പേരില്‍ മറ്റൊരു സിനിമ ഒരുക്കിയപ്പോള്‍ അത് മോഹന്‍ലാലിനെ അപഹസിക്കുന്ന സിനിമയെന്ന ലെവലിലേക്ക് താഴുകയാണുണ്ടായത്. ആ സിനിമയ്ക്ക് പിന്നാലെയായിരുന്നു മോഹന്‍ലാല്‍ ശ്രീനിവാസന്‍ സൗഹൃദത്തിലും ഉലച്ചിലുണ്ടാകുന്നത്.
