കമല്‍ഹാസന്‍ നായകനാകുന്ന 'ഇന്ത്യന്‍ 2' ഷൂട്ടിംഗ് തിരക്കുകളിലാണ് സംവിധായകന്‍ ഷങ്കര്‍. ഈ ഷെഡ്യൂള്‍ പൂര്‍ത്തിയായതായി റിപ്പോര്‍ട്ടുകളുണ്ട്. ഇനി തന്റെ അടുത്ത പ്രോജക്ട് ആയ 'ആര്‍സി 15'തിരക്കുകളിലേക്ക് സംവിധായകന്‍ കടക്കും.രാം ചരണും കിയാര അദ്വാനിയും പ്രധാന വേഷങ്ങളില്‍ എത്തുന്ന സിനിമയുടെ അടുത്ത ഷെഡ്യൂള്‍ ഹൈദരാബാദിലെ ചാര്‍മിനാറില്‍ ആരംഭിച്ചു.
ശ്രീ വെങ്കിടേശ്വര ക്രിയേഷന്‍സിന്റെ ബാനറില്‍ ദില്‍ രാജുവും ശിരീഷും ചേര്‍ന്ന് നിര്‍മ്മിക്കുന്ന ചിത്രം തമിഴ്, തെലുങ്ക്, ഹിന്ദി ഭാഷകളില്‍ പുറത്തിറങ്ങും.
ആക്ഷന്‍ എന്റര്‍ടെയ്നറില്‍ രാം ചരണ്‍ ഒരു രാഷ്ട്രീയക്കാരനായി വേഷമിടുന്നു അഞ്ജലി, എസ്ജെ സൂര്യ, സുനില്‍, ശ്രീകാന്ത്, ജയറാം, നവീന്‍ ചന്ദ്ര എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.
