നടന്‍ ശ്രീനിവാസന്‍റെ അസുഖത്തെ സംബന്ധിച്ച നിരവധി അഭ്യൂഹങ്ങള്‍ സോഷ്യല്‍ മീഡിയ വഴിയും ചില മാധ്യമങ്ങള്‍ വഴിയും പ്രചരിച്ചതിനെതിരെ മറുപടിയുമായി സംവിധായകന്‍ സത്യന്‍ അന്തിക്കാട്. ഇപ്പോഴത്തെ ‘അസുഖം ആഘോഷമാക്കുന്ന’ കലാപരിപാടിയെയും ഭാവിയില്‍ ശ്രീനി തന്‍റെ സിനിമകളില്‍ ഉള്‍പ്പെടുത്തുമെന്നാണ് സത്യന്‍ അന്തിക്കാട് പറയുന്നത്.
ആരോഗ്യകാര്യത്തില്‍ എറ്റവുമധികം ശ്രദ്ധിക്കുന്ന ശ്രീനിവാസന് കാര്യമായെന്തോ തകരാറു പറ്റി എന്ന രീതിയിലാണ്‌ വാര്‍ത്തകള്‍ പ്രചരിക്കുന്നത്‌. ചില മാധ്യമങ്ങളില്‍ എന്റെ പേരിലും കണ്ടു ചില വിശദീകരണങ്ങള്‍. വ്യക്തമായ വിവരം വിനീത്‌ എഴുതിയിട്ടുണ്ട്‌. അതു തന്നെയാണ്‌ ശരി. ഷുഗര്‍ ലെവലിലെ വ്യത്യാസവും അല്‍പം ഉയര്‍ന്ന ബി പി യും. അത് നോര്‍മ്മലായാല്‍ ആശുപത്രി വിടും.
