എഴുതിയ വാർത്തയിൽ പക്ഷേ തലക്കെട്ടുമായി ബന്ധിപ്പിക്കാവുന്ന കാര്യങ്ങൾ ഇല്ല. ഇതാണ് വിനീത് ചോദ്യം ചെയ്തിരിക്കുന്നത്.' എന്നാലും എന്റെ ഏഷ്യാനെറ്റേ, സത്യായിട്ടും ഞാൻ ഒന്ന് പേടിച്ചു. ആ ഹെഡ്‌ലൈനിൽ ഇത്തിരി മാന്യത കാണിക്കാമായിരുന്നു. നിങ്ങളുടെ വെബ്ഡെസ്കിൽ ആ സാധനം ഉള്ള ആരും ഇല്ലേ?' എന്നായിരുന്നു വിനീതിന്റെ ചോദ്യം.
കഴിഞ്ഞ ദിവസവും സമാനമായ രീതിയിൽ ഇവർ വാർത്ത നൽകിയിരുന്നു. സെക്രട്ടറിയെറ്റിൽ സമരമിരിക്കുന്ന ശ്രീജിത്തിന്റെ അമ്മ ഇളയമകൻ ശ്രീജീവിന്റെ നീതിക്കായി കാലു പിടിച്ച് കരഞ്ഞിട്ടും മുഖ്യമന്ത്രി കനിഞ്ഞില്ലെന്ന് റിപ്പോർട്ട് വന്നിരുന്നു. എന്നാൽ, വാർത്തയിൽ പറയുന്ന മുഖ്യമന്ത്രി ഉമ്മൻ ചാണ്ടി ആണോ പിണറായി വിജയൻ ആണോയെന്ന കാര്യത്തിൽ യതോരു വ്യക്തതയുമില്ലായിരുന്നു.
