തെന്നിന്ത്യന്‍ സിനിമാപ്രേക്ഷകര്‍ ഒന്നടങ്കം കാത്തിരിക്കുന്ന അല്ലു അര്ജുന് ചിത്രമായ പുഷ്പ ദി റൂളിന്റെ പുതിയ അപ്‌ഡേറ്റ് പുറത്ത്. മുന്‍പ് പറഞ്ഞതിലും ഒരു ദിവസം മുന്‍പ് സിനിമ റിലീസിനെത്തുമെന്ന് അണിയറപ്രവര്‍ത്തകര്‍ അറിയിച്ചു. ഡിസംബര്‍ അഞ്ചിനാണ് സിനിമ തിയേറ്ററുകളിലെത്തുക. നേരത്തെ ഡിസംബര്‍ ആറിന് സിനിമ റിലീസ് ചെയ്യുമെന്നാണ് അറിയിച്ചിരുന്നത്.
ഇന്ത്യ ഒന്നടങ്കം വലിയ ഹിറ്റായി മാറിയ സിനിമയ്ക്ക് വലിയ പ്രേക്ഷകപ്രതീക്ഷയാണുള്ളത്. ആദ്യ ഭാഗത്ത് നിന്ന് വ്യത്യസ്തമായി ഫഹദ് ഫാസിലിന് കൂടി കൂടുതല്‍ പ്രാധാന്യമുള്ളതാകും പുഷ്പ 2 എന്നാണ് അറിയുന്നത്. ആദ്യഭാഗം വലിയ ഹിറ്റായതിനാല്‍ തന്നെ സിനിമയുടെ പ്രീ റിലീസ് ബിസിനസ് ഇതിനകം തന്നെ 1000 കോടി പിന്നിട്ടതായാണ് ട്രേഡ് അനലിസ്റ്റുകള്‍ അറിയിക്കുന്നത്. വമ്പന്‍ ഹൈപ്പുള്ള സിനിമയായതിനാല്‍ തന്നെ സമയമെടുത്താണ് പുഷ്പയുടെ രണ്ടാം ഭാഗത്തിന്റെ ചിത്രീകരണം സുകുമാര്‍ പൂര്‍ത്തിയാക്കിയിരിക്കുന്നത്. അല്ലു അര്ജുന് പുറമെ രശ്മിക മന്ദാന,ഫഹദ് ഫാസില്‍,സുനില്‍,ജഗപതി ബാബു,പ്രകാശ് രാജ് തുടങ്ങിയവരാണ് സിനിമയിലെ മറ്റ് പ്രധാനകഥാപാത്രങ്ങള്‍.