പൃഥ്വിരാജിന്റെ ആരാധകര്‍ ആകാംക്ഷയോടെ കാത്തിരിക്കുന്ന ചിത്രങ്ങളിലൊന്നാണ് ആടുജീവിതം. ബ്ലെസ്സി സംവിധാനം ചെയ്യുന്ന സിനിമയുടെ അറുപത് ശതമാനത്തോളം ചിത്രീകരണം പൂര്‍ത്തിയായി. അടുത്ത ഷെഡ്യൂള്‍ അള്‍ജീരിയയില്‍ തുടങ്ങാനിരിക്കുകയാണ്. ഡിസംബറില്‍ കഥാപാത്രമായി മാറാനുള്ള തയ്യാറെടുപ്പുകള്‍ തുടങ്ങും. അതുകഴിഞ്ഞ് മൂന്നുമാസത്തിനുശേഷം ചിത്രീകരണം ആരംഭിക്കുമെന്നും പൃഥ്വിരാജ് ഒരു അഭിമുഖത്തിനിടെ പറഞ്ഞു.
പൃഥ്വിരാജ് സുകുമാരന്‍ രണ്ടാമതായി സംവിധാനം ചെയ്ത ചിത്രമാണ് ബ്രോ ഡാഡി. ചിത്രീകരണം പൂര്‍ത്തിയാക്കിയ സിനിമയുടെ പോസ്റ്റ് പ്രൊഡക്ഷന്‍ ജോലികള്‍ വളരെ വേഗത്തില്‍ പുരോഗമിക്കുകയാണ്. മോഹന്‍ലാല്‍,മീന, ലാലു അലക്‌സ്, കല്യാണി പ്രിയദര്‍ശന്‍, മുരളി ഗോപി, കനിഹ, സൗബിന്‍ എന്നിവരാണ് മറ്റു പ്രധാനവേഷങ്ങളില്‍ എത്തുന്നത്.
