ബാബു ആന്റണിയുടെ ആക്ഷന്‍ രംഗങ്ങളും മാസ് ഡയലോഗുകളും കാണാന്‍ ഇനി അധികം കാത്തിരിക്കേണ്ടി വരില്ല. 'പവര്‍സ്റ്റാര്‍' തുടങ്ങുന്നു. സിനിമയ്ക്കായി കാത്തിരിക്കുന്ന ആരാധകര്‍ക്ക് പുതിയ അപ്‌ഡേറ്റ് നല്‍കിയിരിക്കുകയാണ് സംവിധായകന്‍ ഒമര്‍ ലുലു. ചിത്രം ഈ വര്‍ഷം അവസാനത്തോടെ തുടങ്ങാനാണ് നിര്‍മ്മാതാക്കള്‍ തീരുമാനിച്ചിരിക്കുന്നത്.
പുതിയൊരു ടൈറ്റില്‍ പോസ്റ്ററും അദ്ദേഹം പങ്കുവച്ചു. റിയാസ് ഖാന്‍, അബു സലിം, ബാബു രാജ് തുടങ്ങിയവരും പ്രധാന വേഷങ്ങള്‍ എത്തുന്ന ചിത്രത്തില്‍ നായികമാര്‍ ഇല്ല. ഡെന്നിസ് ജോസഫ് ഒരിടവേളക്ക് ശേഷം തിരക്കഥ രചിക്കുന്ന ഈ ചിത്രത്തില്‍ ഹോളിവുഡില്‍ നിന്നും താരങ്ങള്‍ അഭിനയിക്കാന്‍ എത്തുന്നുണ്ട്. ബാബു ആന്റണിയുടെ ഇടി കാണാനായി ആരാധകരും കാത്തിരിക്കുകയാണ്.
