മമ്മൂട്ടിയ്‌ക്കൊപ്പം ടര്‍ബോ, കുഞ്ചാക്കോ ബോബനൊപ്പം ആറാം പാതിര എന്നീ ചിത്രങ്ങളാണ് മിഥുന്റേതായി ഇനി വരാനുള്ളത്. ഇതില്‍ ടര്‍ബോയുടെ തിരക്കഥ മാത്രമാണ് മിഥുന്‍ ചെയ്യുന്നത്. ഇത്രയും ചിത്രങ്ങള്‍ ലൈനപ്പില്‍ നില്‍ക്കുമ്പോഴും താന്‍ എവിടെ പോയാലും ആളുകള്‍ ഏറ്റവും കൂടുതല്‍ ചോദിക്കുന്നത് ആട് 3 എപ്പോള്‍ വരുമെന്നാണെന്ന് മിഥുന്‍ പറയുന്നത്. കുട്ടികളടക്കം വലിയ ഫാന്‍ബേസുള്ള ഒരു ഫ്രാഞ്ചൈസിയാണ് ആട്. തിരക്കഥ നല്ല രീതിയില്‍ പൂര്‍ത്തിയാക്കാനായാല്‍ അടുത്ത് തന്നെ ആട് 3 ചെയ്യണം എന്ന് ആഗ്രഹമുണ്ട്. മാതൃഭൂമി ന്യൂസിന് നല്‍കിയ അഭിമുഖത്തില്‍ മിഥുന്‍ പറഞ്ഞു.
