റോക്ക്‌‌സ്റ്റാർ എന്ന സിനിമയിലൂടെ അരങ്ങേറ്റം കുറിച്ച് ശ്രദ്ധിക്കപ്പെട്ടെങ്കിലും വളരെ കുറച്ച് സിനിമകളിൽ മാത്രമാണ് പിന്നീട് ബോളിവുഡ് താരം നർഗീസ് ഫക്രി അഭിനയിച്ചത്. അമേരിക്കയില്‍ ജനിച്ച് മോഡലിംഗിലൂടെ ബോളിവുഡില്‍ എത്തിയ താരം ഇപ്പോള്‍ ബോളിവുഡിനെ സംബന്ധിച്ച് ചില തുറന്ന് പറച്ചിലുകൾ നടത്തിയിരിക്കുകയാണ്. ഒരു ഇംഗ്ലീഷ് എന്‍റര്‍ടെയ്മെന്‍റ് സൈറ്റിനായി നൽകിയ അഭിമുഖത്തിനിടെയാണ് താരത്തിന്റെ വെളിപ്പെടുത്തൽ.
എനിക്ക് പ്രശസ്‌തിക്ക് വേണ്ടി അത്യാഗ്രഹമില്ല. നഗ്നയായി അഭിനയിക്കാനും സംവിധായകനൊപ്പം കിടക്കാനും ഒന്നും അതിനാൽ തന്നെ ഞാൻ തയ്യാറല്ല. എന്റെ അവസരങ്ങൾ നഷ്ടമായതും അങ്ങനെയാണ്. അത് ശരിക്കും ഹൃദയഭേദകമാണ്. ഞാന്‍ എവിടെപ്പോയാലും എന്റെ നിലവാരം കാക്കാന്‍ ശ്രമിച്ചു. എന്നാല്‍ ശരിക്കും അതിനാല്‍ പലയിടത്ത് നിന്നും ഞാന്‍ ഒഴിവാക്കപ്പെട്ടു. നർഗീസ് ഫക്രി പറഞ്ഞു.
