അറബിക്കഥയ്ക്കും ഡയമണ്ട് നെക്‌ലെയ്‌സിനും ശേഷം ദുബായ് പശ്ചാത്തലമാകുന്ന പുതിയൊരു ചിത്രവുമായാണ് ലാൽജോസ് ഇത്തവണ എത്തുന്നത്. ഇതുവരെ കാണാത്ത വ്യത്യസ്ത രൂപത്തിലാണ് സൗബിൻ 'മ്യാവൂ'യിൽ അഭിനയിക്കുന്നത്. ഇത്തിരി നര വീണ താടി നീട്ടി വളർത്തി മീശയും മുടിയും ട്രിം ചെയ്ത രൂപത്തിലാണ് നടനെ ഇതുവരെ പുറത്തുവന്ന ചിത്രങ്ങളിൽ കാണാനായത്. മംമ്തയും സൗബിനും ഭാര്യാഭർത്താക്കന്മാർ ആയാണ് ചിത്രത്തിൽ അഭിനയിക്കുന്നത്. ഇപ്പോഴിതാ സൗബിൻറെ ഭാഗത്തിന്റെ ചിത്രീകരണം പൂർത്തിയായ വിവരം അറിയിച്ചിരിക്കുകയാണ് ലാൽ ജോസ്. സംവിധായകനെ ചുംബിക്കുന്ന നടൻറെ ചിത്രം പങ്കുവെച്ച് കൊണ്ടാണ് ഇക്കാര്യം അദ്ദേഹം അറിയിച്ചത്. റാസൽ ഖൈമയിലെ സൗബിൻറെ അവസാന ഷൂട്ടിംങ് ദിനമാണെന്നും എല്ലാത്തിനും ഒരുപാട് നന്ദി ബ്രോ എന്നും കുറിച്ചുകൊണ്ടാണ് സംവിധായകൻ ചിത്രം പങ്കുവെച്ചത്.
അറബികഥ, ഡയമണ്ട് നെക്‌ലെയ്സ്, വിക്രമാദിത്യൻ എന്നീ ലാല്‍ ജോസ് ചിത്രങ്ങൾക്ക് തിരക്കഥയൊരുക്കിയ ഡോ. ഇഖ്ബാൽ കുറ്റിപ്പുറം ആണ് തിരക്കഥ ഒരുക്കിയിരിക്കുന്നത്.
