ഈ മാസം ആറിനാണ് മമ്മൂട്ടി സിനിമയിൽ അമ്പത് വർഷങ്ങൾ പൂർത്തിയാക്കിയത്. മമ്മൂട്ടി ആദ്യം സ്ക്രീനില്‍ പ്രത്യക്ഷപ്പെട്ട 'അനുഭവങ്ങള്‍ പാളിച്ചകള്‍' റിലീസ് ചെയ്യപ്പെട്ടത് 1971 ഓഗസ്റ്റ് ആറിനാണ്. സോഷ്യൽ മീഡിയയിൽ നിരവധി ആരാധകരും സിനിമാ പ്രവർത്തകരുമാണ് പ്രിയതാരത്തിന് ആശംസകൾ നേർന്നത്. എന്നാൽ ഒരു സാധാരണ ദിവസം പോലെയായിരുന്നു ഇതും കടന്നുപോയത്.
അതേസമയം സിനിമയിൽ അരനൂറ്റാണ്ട് പിന്നിടുമ്പോളും നിരവധി ചിത്രങ്ങളുടെ ചർച്ചകളിലും ആലോചനകളിലുമാണ് താരം. ബിഗ് ബി'ക്കു ശേഷം അമല്‍ നീരദിനൊപ്പം ഒന്നിക്കുന്ന 'ഭീഷ്‍മ പര്‍വ്വം', നവാഗതയായ റതീന ഷര്‍ഷാദ് ഒരുക്കുന്ന 'പുഴു' എന്നിവയാണ് അദ്ദേഹത്തിന് പൂര്‍ത്തിയാക്കാനുള്ള പ്രോജക്റ്റുകള്‍.
