നടന്‍ ജയസൂര്യയുടെ വരാനിരിക്കുന്ന ചിത്രമാണ് ജോണ്‍ ലൂഥര്‍. അഭിജിത്ത് ജോസഫ് രചനയും സംവിധാനവും നിര്‍വ്വഹിക്കുന്ന സിനിമയുടെ ട്രെയിലര്‍ പുറത്ത്.
കേസന്വേഷിക്കുന്ന പൊലീസ് ഉദ്യോഗസ്ഥന് നേരെ ആക്രമണം ഉണ്ടാകുകയും ഒരു ചെവിയുടെ കേള്‍വി നഷ്ടമാകുകയും ചെയ്തിട്ടും പ്രതിയെ തേടി ജയസൂര്യ. ത്രില്ലര്‍ സിനിമാപ്രേമികളെ തിയേറ്ററുകളിലേക്ക് 'ജോണ്‍ ലൂഥര്‍' ക്ഷണിക്കുകയാണ്.
ത്രില്ലര്‍ ചിത്രത്തില്‍ അദിതി രവി, ദീപക്, തന്‍വി റാം, സിദ്ദിഖ് എന്നിവരാണ് മറ്റു അഭിനേതാക്കള്‍.അലോന്‍സ ഫിലിംസിന്റെ ബാനറില്‍ തോമസ് പി മാത്യുവാണ് നിര്‍മ്മാണം. ചിത്രത്തിന്റെ സംഗീതം ഷാന്‍ റഹ്മാനാണ് ഒരുക്കുന്നത്.
ഛായാഗ്രഹണം റോബി വര്‍ഗീസ് രാജും എഡിറ്റിംഗ് പ്രവീണ്‍ പ്രഭാകറും ആണ് നിര്‍വഹിക്കുന്നത്.