അടുത്തിടെയാണ് ദാമ്പത്യബന്ധം വേര്‍പിരിയുന്നതായി ജയം രവി സോഷ്യല്‍ മീഡിയയില്‍ പങ്കുവെച്ച കുറിപ്പിലൂടെ അറിയിച്ചത്. 15 വര്‍ഷക്കാലത്തെ ദാമ്പത്യത്തില്‍ നിന്നും വേര്‍പിരിയുന്നതില്‍ പക്ഷേ ഭാര്യ ആര്‍തിക്ക് താത്പര്യമില്ലെന്നും തന്നോട് ചര്‍ച്ച ചെയ്യാതെയാണ് ജയം രവി ഇത്തരത്തില്‍ പോസ്റ്റ് ചെയ്തതെന്നും ഭാര്യ ആര്‍തി വ്യക്തമാക്കിയിരുന്നു. ഇതിനിടെ കുട്ടികളുടെ സംരക്ഷണ അവകാശത്തിനടക്കം നിയമപോരാട്ടം നടത്തുമെന്നാണ് ജയം രവി വ്യക്തമാക്കിയിരിക്കുന്നത്.
സെപ്റ്റംബര് 9നായിരുന്നു ജയം രവി ഭാര്യ ആര്‍തിയുമായുള്ള വിവാഹബന്ധം വേര്‍പെടുത്തുന്നതായി പ്രഖ്യാപിച്ചത്. ഇതിനായുള്ള നിയമനടപടികള്‍ ആരംഭിച്ചതായും ജയം രവി വ്യക്തമാക്കിയിരുന്നു. എന്നാല്‍ ജയം രവിയുടെ തീരുമാനം ഏകപക്ഷീയമാണെന്നും രവിയുമായി സംസാരിക്കാന്‍ ശ്രമിച്ചെങ്കിലും നടന്നില്ലെന്നും ഭാര്യ ആര്‍തി വ്യക്തമാക്കിയിരുന്നു. ഇതിനിടെ തമിഴ് പിന്നണീ ഗായികയുമായി ജയം രവിയ്ക്കുള്ള അടുപ്പമാണ് വിവാഹമോചനത്തിന് കാരണമായിരിക്കുന്നതെന്നും റിപ്പോര്‍ട്ടുകളുണ്ട്.
