മോഡലിംഗില്‍ നിന്നും സിനിമയിലെത്തി മലയാളികളുടെ പ്രിയതാരമായി മാറിയ നടിയാണ് ശ്വേത മേനോന്‍. മമ്മൂട്ടിയ്‌ക്കൊപ്പം അനശ്വരം എന്ന സിനിമയിലൂടെയായിരുന്നു ആദ്യമായി താരം വെള്ളിത്തിരയിലെത്തിയത്. പിന്നീട് ബോളിവുഡ്, തെലുങ്ക്,തമിഴ് സിനിമകളില്‍ സജീവമായ താരം തന്റെ രണ്ടാം വരവിലാണ് മലയാളത്തില്‍ ശ്രദ്ധിക്കപ്പെട്ടത്. മലയാളത്തില്‍ പാലേരി മാണിക്യം, രതിനിര്‍വേദം,കളിമണ്ണ്, സാള്‍ട്ട് ആന്‍ഡ് പെപ്പര്‍ മുതലായ സിനിമകളിലും താരം ഭാഗമായി.
തന്റെ സിനിമാകരിയറില്‍ ഏറെ ചര്‍ച്ചയാകപ്പെട്ട കാമസൂത്ര എന്ന സിനിമയിലും മലയാളത്തിലെ കള്‍ട്ട് ക്ലാസിക്കുകളില്‍ ഒന്നായിരുന്ന രതിനിര്‍വേദത്തിന്റെ റീമേയ്ക്കിലും ഗ്ലാമറസായി താരം അഭിനയിച്ചിരുന്നു. ഇനിയും അത്തരം വേഷങ്ങള്‍ ലഭിച്ചാല്‍ തയ്യാറാകുമോ എന്ന ചോദ്യത്തിനാണ് താരം മറുപടി നല്‍കിയത്. ഇനിയും രതിനിര്‍വേദവും കാമസൂത്രയും ചെയ്യാന്‍ ഞാന്‍ തയ്യറാണ്. ഞാന്‍ ചെയ്ത ഒരു കാര്യം നല്ലതാണോ ചീത്തതാണോ എന്നത് ഞാന്‍ നോക്കാറില്ല. അതില്‍ ഖേദിക്കാറുമില്ല. ഞാന്‍ സ്വബോധത്തോടെ ചെയ്തവയാണ് അതെല്ലാം. ആരെങ്കിലും ബിക്കിനി ധരിച്ച് അഭിനയിക്കാന്‍ പറഞ്ഞാലും അത് ചെയ്യും. കഥാപാത്രം ആവശ്യപ്പെടുന്നുണ്ടെങ്കില്‍ അതിന് തയ്യാറാണ്. മൈല്‍ സ്‌റ്റോണ്‍ മേക്കേഴ്‌സിന് നല്‍കിയ അഭിമുഖത്തില്‍ ശ്വേത പറഞ്ഞു.