'പ്രേമലുവിനെ തെലുങ്ക് പ്രേക്ഷകരിലേക്ക് എത്തിച്ചതിന് കാര്‍ത്തികേയ്ക്ക് നന്ദി. ചിത്രം നന്നായി ആസ്വദിച്ചു. ഈ അടുത്തകാലത്തൊന്നും ഒരു സിനിമ കണ്ട് ഇതുപോലെ ചിരിച്ചതായി എനിക്ക് ഓര്‍മ്മയില്ല. മുഴുവന്‍ കുടുംബാംഗങ്ങള്‍ക്കും ചിത്രം ഇഷ്ടമായി. യുവതാരങ്ങളുടെ അഭിനയം ഗംഭീരംം ചിത്രത്തിന്റെ മുഴുവന്‍ അണിയറ പ്രവര്‍ത്തകര്‍ക്കും അഭിനന്ദനങ്ങള്‍,'-മഹേഷ് ബാബു എഴുതി.
ഗിരീഷ് എ.ഡി. സംവിധാനം ചെയ്ത പ്രേമലു തെലുങ്ക് പതിപ്പ് കഴിഞ്ഞ ദിവസമായിരുന്നു പ്രദര്‍ശനത്തിനെത്തിയത്. സിനിമ കണ്ട സംവിധായകന്‍ എസ്.എസ്. രാജമൗലി മുഴുവന്‍ ടീമിനെയും അഭിനന്ദിച്ചു. മാര്‍ച്ച് എട്ടിനായിരുന്നു തെലുങ്ക് പതിപ്പ് റിലീസ് ചെയ്തത്. ഇപ്പോഴിതാ തമിഴ് ഭാഷയിലുള്ള ട്രെയിലര്‍ കൂടി നിര്‍മാതാക്കള്‍ പുറത്തുവിട്ടിരിക്കുകയാണ്.
