പുതിയ പ്രതീക്ഷകള്‍ സമ്മാനിച്ച് സുരാജ് വെഞ്ഞാറമൂടിന്റെ 'ഇ.ഡി. അഥവാ എക്‌സ്ട്രാ ഡീസന്റ് 'ടൈറ്റില്‍ പോസ്റ്റര്‍ റിലീസ് ചെയ്തു.ലിസ്റ്റിന്‍ സ്റ്റീഫന്റെ മാജിക് ഫ്രയ്മ്‌സും സുരാജ് വെഞ്ഞാറമൂടിന്റെ വിലാസിനി സിനിമാസും നിര്‍മ്മിക്കുന്ന ചിത്രത്തില്‍ കഥാപാത്രങ്ങളെല്ലാം ഇതുവരെ കാണാത്ത ലുക്കിലാണ് പ്രത്യക്ഷപ്പെട്ടിരിക്കുന്നത്. അമീര്‍ പള്ളിക്കല്‍ സംവിധാനം ചെയ്യുന്ന സിനിമ പൂര്‍ണമായും ഹാസ്യത്തിന് പ്രാധാന്യം നല്‍കിയാണ് ഒരുക്കുന്നത്.ആഷിഫ് കക്കോടിയാണ് രചന നിര്‍വഹിച്ചിരിക്കുന്നത്.
പുതുമുഖ നടി ദില്‍നയാണ് നായിക. ഗ്രേസ് ആന്റണി, വിനയ പ്രസാദ്, റാഫി, സുധീര്‍ കരമന, ശ്യാം മോഹന്‍, പ്രശാന്ത് അലക്സാണ്ടര്‍, ഷാജു ശ്രീധര്‍, സജിന്‍ ചെറുകയില്‍, വിനീത് തട്ടില്‍ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മൂകാംബികയില്‍ വെച്ചാണ് ചിത്രീകരണം നിലവില്‍ ചിത്രീകരണം പാലക്കാട് പുരോഗമിക്കുന്നു.
