ഇന്ന് പിറന്നാള്‍ ആഘോഷിക്കുന്ന പ്രയാഗയുടെ പ്രായം അറിയുമോ?
ബുധന്‍, 18 മെയ് 2022 (15:48 IST)
മലയാള സിനിമയില്‍ ഏറെ ശ്രദ്ധിക്കപ്പെട്ട താരമാണ് പ്രയാഗ മാര്‍ട്ടിന്‍. താരത്തിന്റെ ജന്മദിനമാണ് ഇന്ന്. 1995 മേയ് 18 നാണ് പ്രയാഗയുടെ ജന്മദിനം. 27-ാം പിറന്നാളാണ് പ്രയാഗ ഇന്ന് ആഘോഷിക്കുന്നത്.
2009 ല്‍ പുറത്തിറങ്ങിയ സാഗര്‍ ഏലിയാസ് ജാക്കി എന്ന മോഹന്‍ലാല്‍ ചിത്രത്തില്‍ പ്രയാഗ ബാലതാരമായി അഭിനയിച്ചിട്ടുണ്ട്.
ഒരു മുറൈ വന്ത് പാര്‍ത്തായ എന്ന ചിത്രത്തില്‍ നായികയായാണ് പ്രയാഗ വെള്ളിത്തിരയിലെത്തിയത്. 2020 ല്‍ പുറത്തിറങ്ങിയ ഭൂമിയിലെ മനോഹര സ്വകാര്യം എന്ന ചിത്രമാണ് നടി അവസാനം അഭിനയിച്ച ചിത്രം.
ഒരേ മുഖം, ഫുക്രി, പോക്കിരി സൈമണ്‍, രാമലീല, ബ്രദേഴ്സ് ഡേ എന്നിവയാണ് പ്രയാഗയുടെ ശ്രദ്ധേയമായ സിനിമകള്‍.
സോഷ്യല്‍ മീഡിയയിലും പ്രയാഗ സജീവ സാന്നിധ്യമാണ്. തന്റെ പുതിയ ചിത്രങ്ങള്‍ ആരാധകര്‍ക്കായി പ്രയാഗ പങ്കുവെയ്ക്കാറുണ്ട്.
