2020ൽ കൈ നിറയെ ചിത്രണങ്ങളുമായാണ് ദുൽഖർ സൽമാന്റെ വരവ്. നടനായും നിര്‍മാതാവായും എത്തുന്ന ചിത്രങ്ങളുടെ പോസ്റ്റര്‍ ഫേസ്ബുക്കിലൂടെ ദുല്‍ഖര്‍ പുതുവര്‍ഷത്തിന്റെ തുടക്കത്തിൽ പങ്കുവെച്ചിരുന്നു. വരനെ ആവശ്യമുണ്ട്, മണിയറയിലെ അശോകന്‍, കുറുപ്പ് എന്നിവയായിരുന്നു ആ മൂന്ന് സിനിമകള്‍.
ഇതിനിടെ ദുൽഖർ അഭിനയിക്കുന്ന തമിഴ് ചിത്രത്തിൽ കാജൾ അഗർവാൾ നായികയായി എത്തുന്നു എന്നതാണ് മറ്റൊരു സിനിമാ വാർത്ത. ആദ്യമായാണ് ഇവർ ഒരു ചിത്രത്തിൽ ഒരുമിക്കുന്നത്. കഴിഞ്ഞ ദിവസം ഒരു അഭിമുഖത്തിനിടെ കാജല്‍ തന്നെയാണ് ഈ വിവരം വെളിപ്പെടുത്തിയത്. ദുല്‍ഖറിനൊപ്പം ചിത്രത്തില്‍ അഭിനയിക്കുന്നുണ്ടെന്ന് പറഞ്ഞെങ്കിലും കൂടുതൽ വിവരങ്ങളൊന്നും താരം ചിത്രത്തെ കുറിച്ചു പറഞ്ഞിട്ടില്ല. നിലവിൽ കമല്‍ഹാസന്‍ ചിത്രം ഇന്ത്യന്‍ ടുവില്‍ കാജൾ 85 വയസുള്ള കഥാപാത്രത്തെ അവതരിപ്പിക്കുന്നുണ്ട്.
