സംവിധായകന്‍ എസ്. ശങ്കറിന്റെ മരുമകനെതിരെ പോക്‌സൊ നിയമപ്രകാരം കേസെടുത്തുവെന്ന് റിപ്പോര്‍ട്ടുകള്‍.പതിനാറുകാരിയെ ലൈംഗികമായി പീഡിപ്പിച്ചതിനാണ് വിവരം.ക്രിക്കറ്റ് ക്ലബ്ബിന്റെ ക്യാപ്റ്റന്‍ കൂടിയായ രോഹിത് ദാമോദരനും ക്ലബ് സെക്രട്ടറിയായ അച്ഛന്‍ ദാമോദരനും ക്രിക്കറ്റ് പരിശീലകന്‍ താമരൈ കണ്ണനും എതിരെയാണ് പെണ്‍കുട്ടി ആരോപണമുന്നയിച്ചിരിക്കുന്നത്. ഇവരുടെ പേരുകള്‍ മേട്ടുപ്പാളയം പൊലീസിന് പെണ്‍കുട്ടി നല്‍കിയ പരാതിയില്‍ പരാമര്‍ശിക്കുന്നു.
പെണ്‍കുട്ടിയുടെ പരാതി ലഭിച്ചതിനെ തുടര്‍ന്ന് പുതുച്ചേരി ശിശുക്ഷേമ സമിതി (പി.സി.ഡബ്ല്യു.സി.) കോച്ചുമാരായ താമരൈക്കണ്ണന്‍, ജയകുമാര്‍, സെയ്‌ചെം മധുര പാന്തേഴ്‌സ് ക്രിക്കറ്റ് ക്ലബ് പ്രസിഡന്റ് ദാമോദരന്‍, മകന്‍ രോഹിത്, സെക്രട്ടറി വെങ്കട്ട് എന്നിവര്‍ക്കെതിരെ മേട്ടുപ്പാലം പോലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്.
