1986ല്‍ പുറത്തിറങ്ങിയ പത്മരാജന്‍ സിനിമയായ ദേശാടനക്കിളി കരയാറില്ല മലയാള സിനിമയിലെ ക്ലാസിക് സിനിമകളില്‍ ഒന്നാണ്. പത്മരാജന്‍ തന്നെ തിരക്കഥ എഴുതിയ സിനിമയില്‍ സാലിയായി ശാരിയും നിമ്മിയായി കാര്‍ത്തികയുമാണ് സിനിമയിലെത്തിയത്. ഇപ്പോഴിതാ സിനിമ പുറത്തിറങ്ങി നാല് പതിറ്റാണ്ടുകള്‍ക്കപ്പുറം സിനിമയിലെ നായികമാര്‍ വീണ്ടും കണ്ടുമുട്ടിയിരിക്കുകയാണ്.
ചിത്രത്തിന്റെ തിരക്കഥയുടെ കവര്‍ റിലീസിനായാണ് ശാരി എഠിയത്. തിരുവനന്തപുരത്ത് കാര്‍ത്തികയുടെ വീട്ടില്‍ വെച്ചായിരുന്നു താരങ്ങളുടെ കൂടികാഴ്ച. ദേശാടനക്കിളികള്‍ വീണ്ടും കണ്ടുമുട്ടിയപ്പോള്‍ ആ കൂടികാഴ്ചയ്ക്ക് സാക്ഷിയായി പത്മരാജന്റെ ഭാര്യ രാധാലക്ഷ്മിയും ഉണ്ടായിരുന്നു. പത്മരാജന്റെ മകന്‍ അനന്ത പത്മനാഭനും ശാരിയ്ക്കും കാര്‍ത്തികയ്ക്കുമൊപ്പമുള്ള ചിത്രം ഫെയ്‌സ്ബുക്കില്‍ പങ്കുവെചിട്ടുണ്ട്.