മാതാപിതാക്കളുടെ വേര്‍പിരിയലിന് ശേഷം, സഹോദരന്റെ സംരക്ഷണം ഏറ്റെടുക്കേണ്ടിവന്ന കണ്ണ് എന്ന പെണ്‍ക്കുട്ടിയുടെ കഥ പറയുകയാണ് മാക്കൊട്ടന്‍ എന്ന ചിത്രം. കണ്ണൂരില്‍ തൊട്ടടയിലുള്ള പന്ത്രണ്ട് കാരി പ്രാര്‍ത്ഥനാ നായരാണ് കണ്ണിനെ അവതരിപ്പിച്ച് ശ്രദ്ധേയയായത്. രമ്യം ക്രീയേഷന്‍സിന്റെ ബാനറില്‍ പ്രശാന്ത് കുമാര്‍ സി നിര്‍മ്മിക്കുന്ന ഈ ചിത്രം രാജീവ് നടുവനാടാണ് സംവിധാനം ചെയ്യുന്നത്.ആദ്യ പോസ്റ്റര്‍ പുറത്തുവിട്ട് നടനും സംവിധായകനുമായ നാദിര്‍ഷ.
ഒറ്റയാന്‍, സ്റ്റാന്‍ഡേര്‍ഡ് ഫിഫ്ത് ബി, തുടങ്ങിയ ചിത്രങ്ങളിലും പ്രധാന വേഷമവതരിപ്പിച്ച പ്രാര്‍ത്ഥന, നൃത്തത്തിലും, ഫാഷന്‍ ഷോയിലും പ്രാവീണ്യം തെളിയിച്ചിട്ടുണ്ട്.മക്കൊട്ടന്‍ എന്ന ചിത്രത്തിലെ കണ്ണിലൂടെ മലയാളികളുടെ മനസില്‍ ഇടം നേടും ഈ കൊച്ചു നടി .
രമ്യം ക്രീയേഷന്‍സിന്റെ ബാനറില്‍ പ്രശാന്ത് കുമാര്‍ സി നിര്‍മ്മിക്കുന്ന മക്കൊട്ടന്‍ രാജീവ് നടുവനാട് സംവിധാനം ചെയ്യുന്നു. തിരക്കഥ, സംഭാഷണം - ഡോ.സുനിരാജ് കശ്യപ് ,ക്യാമറ -ജിനിഷ് മംഗലാട്ട്, എഡിറ്റിംഗ് -ഹരി ജി.നായര്‍, പി.ആര്‍.ഒ- അയ്മനം സാജന്‍.ബിജുക്കുട്ടന്‍, പ്രാര്‍ത്ഥനാ നായര്‍ എന്നിവര്‍ പ്രധാന വേഷത്തിലെത്തുന്നു
