ബറോസ്
മോഹന്‍ലാലിന്റെ ബറോസ് ചിത്രീകരണം പൂര്‍ത്തിയായി. നിലവില്‍ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. ചൈനീസ്, പോര്‍ച്ചുഗീസ്, സ്പാനിഷ് ഇരുപതോളം ഭാഷകളില്‍ സബ് ടൈറ്റില്‍ ഉപയോഗിച്ചും ഡബ്ബ് ചെയ്തും റിലീസ് ചെയ്യാന്‍ നിര്‍മ്മാതാക്കള്‍ പദ്ധതിയിടുന്നു. മലയാള സിനിമയ്ക്ക് ലഭിക്കുന്ന ഏറ്റവും വലിയ റിലീസ് കൂടിയാകും മോഹന്‍ലാലിന്റെ ബറോസ്.
റാം
മോഹന്‍ലാല്‍- ജീത്തു ജോസഫ് കൂട്ടുകെട്ടില്‍ ഒരുങ്ങുന്ന പുതിയ ചിത്രമാണ് 'റാം'. മൊറോക്കോ ഷെഡ്യൂള്‍ പൂര്‍ത്തിയായെന്ന് ജീത്തു ജോസഫ് അറിയിച്ചു. മലൈക്കോട്ടൈ വാലിബന്‍ ചിത്രീകരണം പൂര്‍ത്തിയാക്കിയ ശേഷമേ 'റാം' അടുത്ത ഷെഡ്യൂള്‍ തുടങ്ങുകയുള്ളൂ.യുകെ, ടുണീഷ്യ, ഇസ്രായേല്‍ എന്നിവിടങ്ങളിലെ ചിത്രീകരണം 2023 ഏപ്രിലിലെ ആരംഭിക്കുകയുള്ളൂ. സിനിമയുടെ രണ്ട് ഭാഗങ്ങളും ഒരുമിച്ച് ചിത്രീകരിക്കും.
