ആവേശം അതിരുകടക്കുമോ? തെലുങ്ക് റീമേയ്ക്കില്‍ ഫഹദിന്റെ റോളില്‍ ബാലയ്യ എത്തുമെന്ന് റിപ്പോര്‍ട്ട്

Balakrishna, Aavesham

സമീപകാലത്തായി മലയാള ബോക്‌സോഫീസില്‍ വലിയ വിജയമായ സിനിമയായിരുന്നു ഫഹദ് ഫാസിലിനെ നായകനാക്കി ജിത്തു മാധവന്‍ സംവിധാനം ചെയ്ത ആവേശം. കേരളം വിട്ട് ഇന്ത്യയാകെ സിനിമയക്ക് വലിയ സ്വീകാര്യതയാണ് ലഭിച്ചിരുന്നത്. ഫഹദ് ഫാസിലിന്റെ ഒറ്റയാള്‍ പ്രകടനമായിരുന്നു സിനിമയെ വലിയ വിജയമാക്കി മാറ്റിയത്. ഇപ്പോഴിതാ ഫഹദ് ഫാസില്‍ നിറഞ്ഞാടിയ സിനിമ തെലുങ്ക് റീമേയ്ക്കിന് ഒരുങ്ങുന്നതായാണ് റിപ്പോര്‍ട്ടുകള്‍.

 ഫഹദ് ഫാസില്‍ അവതരിപ്പിച്ച രംഗണ്ണ എന്ന കഥാപാത്രത്തെ തെലുങ്കില്‍ സൂപ്പര്‍ താരം നന്ദമൂരി ബാലകൃഷ്ണയാകും അവതരിപ്പിക്കുക എന്നാണ് പുറത്തുവരുന്ന റിപ്പോര്‍ട്ടുകള്‍. ടോളിവുഡിലെ വമ്പന്‍ പ്രോഡക്ഷന്‍ ഹൗസായ മൈത്രി മൂവി മേക്കേഴ്‌സാണ് സിനിമയുടെ റീമേയ്ക്ക് അവകാശത്തിനായി ശ്രമിക്കുന്നത്. ബോക്‌സോഫീസില്‍ 100 കോടിയിലേറെ നേടിയ സിനിമ ഒടിടി റിലീസിന് ശേഷമാണ് ഇന്ത്യയാകെ ശ്രദ്ധിക്കപ്പെട്ടത്. തെലുങ്കില്‍ അവതരിപ്പിക്കുമ്പോള്‍ മലയാളത്തില്‍ നിന്നും ചെറിയ മാറ്റങ്ങളോടെയാകും എത്തുക.