ഭാര്യ കോലികയ്ക്കൊപ്പം ഇടപ്പള്ളി സബ് റജിസ്ട്രാർ ഓഫീസിൽ നിന്നുള്ള നടൻ ബാലയുടെ വീഡിയോ ശ്രദ്ധേയമാകുന്നു. ഇന്നു സന്തോഷത്തിന്റെയും അനുഗ്രഹത്തിന്റെയും ദിവസമാണെന്നും കോകിലയെ അഭിനന്ദിക്കുന്നുവെന്നും ബാല വീഡിയോ പങ്കുവെച്ച് സോഷ്യൽ മീഡിയയിൽ എഴുതി. എന്തിനായിരുന്നു റജിസ്ട്രാർ ഓഫീസിൽ പോയത് എന്നതിനുള്ള മറുപടി താൻ ഒരു മാസം കഴിഞ്ഞ് പറയുമെന്ന് ബാല വ്യക്തമാക്കി.
‘കൊച്ചിയിലെ ഫ്ലാറ്റ് കോകിലയ്ക്ക് എഴുതി കൊടുത്തോ?, 250 കോടിയുടെ സ്വത്ത് ഇനി കോകിലയ്ക്ക്’ എന്നൊക്കെയാണ് വീഡിയോയ്ക്ക് വരുന്ന കമന്റുകൾ. ഇതിനിടെ ‘നിങ്ങൾ ഡിവോഴ്സ് ആയോ?’ എന്ന ചോദ്യവുമായി എത്തിയ ആൾക്ക് ചുട്ട മറുപടിയാണ് ബാല നൽകുന്നത്. ‘അതെ, ഞാൻ നിങ്ങളെയാണ് ഡിവോഴ്സ് ചെയ്തത്, ഗെറ്റൗട്ട് അരുൺ’ എന്നായിരുന്നു ബാലയുടെ മറുപടി. വീഡിയോ സോഷ്യൽ മീഡിയയിൽ വൈറലാണ്.
റജിസ്ട്രാർ ഓഫിസിന്റെ അകത്തെ ക്യാബിനിൽ ഇരുന്ന് പേപ്പർവർക്കുകൾ തീർക്കുന്ന ബാലയെ വീഡിയോയിൽ കാണാം. കോകില പുറത്ത് കാത്ത് നിൽക്കുകയാണ്. അതീവ സന്തോഷത്തിലാണ് കോകില. തന്റെ പേരിലുള്ള സ്വത്തുക്കളിൽ കുറച്ച് ഭാര്യയുടെ പേരിൽ എഴുതി വയ്ക്കുന്നതിനായാണ് ഇവർ ഇടപ്പള്ളി റജിസ്ട്രാർ ഓഫിസിൽ എത്തിയതെന്നും നടനോട് അടുത്ത വൃത്തങ്ങൾ സൂചിപ്പിക്കുന്നു.
